بسبوسة ولا جواز (يوم البهجة )

أو نقدر نقول جواز بالبسبوسة ..

دي تقريباً أول تدوينة عامية ليا ع مدونتي .. و مش حبقى مضطر أشغل مراجعة الكلمات .. كله يهون في سبيل البهجة ..

المهم بقى أيه .. قاعد ع القهوة ليلاً كعادتي كما يقعد القاعدون .. إلا و أسمع الواد ميسرة مواليد 91 بيقول ايه - يكش

يعدي من هنا و يشوف الكلام ده حضرب ده واد طويل و يخوف رغم أنه عثل- المهم أخونا الصغير بيقول أيه ..

عاااااااااوز أتجوز .. بصيت له أنا عادي هادي بصفتي سبعة وتمانيني مش فارقة .. و بقوله أيه يا ميسرة ما تراعي و

لسه حشاور إلا و ألاقي أبو على الإثنين و ثمانيني زاغرله حتة زغره ..

طيب ما هو فعلاً يا ميسرة يا حبيبي لازم تتعلم أن حياتنا كلها طوابير ..

حتى في دي ..

لكن أنت فكرتني بالحاجه اللي سأله حفيدها ...

نينا نينا .. تاكلي بسبوسة و لا تتجوزي

قالت

و هو أنا يابني فيا شنان للبشبوشة